今秋必试5大金牌蟹舖Dining娜
分类:C生活馆

(Presented by肥仔号、华兴行、旭海、永富、上海新三阳南货)

虽然天气愈嚟愈冻,但身为一个「吃货」,喺呢个秋冬之际,对食嘢嘅欲望,同气温相反,係会愈嚟愈炽热嘅!秋风起,唔使我提,各位为食人士都知道又到蟹季啦。听过人地话「世界上第一个食蟹嘅人係相当勇敢嘅」,谂落又真係,而身为蟹迷,更加要多谢佢嘅勇敢,造福后人啊。

大闸蟹可以话係蟹中极品,食咗咁多年,唔敢话自己係专家,但总有少少心得嘅。广告话打边炉最紧要係个炉,唔通食蟹最紧要係碟醋?咪玩啦,要食到靓蟹,关键当然係去边度入货。买靓蟹唔使过海嘅,九龙区已经有好多优质选择,等我介绍番啦。

肥仔号大闸蟹专门店

呢间肥仔号主要卖太湖同阳澄湖大闸蟹,最有型係佢标榜「唔靓包换」呢个保证,你就知佢对自己卖嘅蟹几有信心啦。听老闆讲,佢每年都会亲自去当地拣靓蟹,品质上乘,价钱公道,所以街坊熟客都好支持。

今秋必试5大金牌蟹舖Dining娜
老闆同员工都係专家,佢哋教路尾部睇落淡黄色,表示蟹膏新鲜;蟹肚有少少鼓起,就係饱满嘅象徵,记住喇!
今秋必试5大金牌蟹舖Dining娜
每年9月10月,呢个柜对蟹迷嚟讲,就好似金库一样,睇见都兴奋啊!

今秋必试5大金牌蟹舖Dining娜

地址:九龙城侯王道73号地舖

电话:2718 7207

网站

华兴行

Organic嘅菜同生果听得多,你有无谂过原来大闸蟹都可以有机!华兴行喺江苏太湖有自己嘅养殖场,对水质、养殖员经验同养殖方式呢几方面,都有严格规定,确保无污染,而且坚持用鱼仔、水藻呢类天然饲料嚟餵蟹,唔用人工饲料,所以真係有机嘅大闸蟹。至于食落味道有乜唔同?你自己试下啦。

今秋必试5大金牌蟹舖Dining娜
想大手买入有机太湖蟹?华兴行可以网上订购或者国内取货,蟹迷随时随地都可以轻鬆入货啦。
今秋必试5大金牌蟹舖Dining娜
食蟹惯咗配酒嘅话,华兴行都有唔少选择,一定可以满足到你。

今秋必试5大金牌蟹舖Dining娜

地址:佐敦吴松街148号I-J地舖

电话:2838 1688

网站

旭海

呢间老字号除咗阳澄湖蟹出名,近年嚟讲,太湖嘅同样係主打。以前就话阳澄湖先正宗,但其实今时今日技术进步,两个地方嘅出品已经一样咁高质。而旭海有个优势係成本相对低,因为舖头係老闆自己物业,唔使交租,自然可以喺价钱上调整下,回馈一班熟客仔啦。

今秋必试5大金牌蟹舖Dining娜
反正介绍蟹舖,我都唔怕长气咁讲,记得剔走个六角形嘅蟹心,相传佢係「最寒凉之物」,唔食好过食。
今秋必试5大金牌蟹舖Dining娜
大闸蟹证书基本上係每间老字号必备嘅,摆出嚟有气势,客人又买得放心。

 

今秋必试5大金牌蟹舖Dining娜

地址:深水埗海坛街227A地下

电话:2360 0663 / 2360 0762

永富大闸蟹专门店

平时呢,永富睇落係生果舖,但一到蟹季,就会多咗几个专柜,卖顶级阳澄湖大闸蟹!呢度老闆同大陆蟹商一齐搞蟹场,千挑万选至诞生1款镇店之宝:辉皇蟹。听个名都feel到佢会爆膏,因为係每100只之中拣30只出嚟,再重点培育嘅,难怪好多城中名人好似蔡澜、发哥、刘青云都係佢Fans啦。

今秋必试5大金牌蟹舖Dining娜
如果要形容,每间蟹舖都係名校,而辉皇蟹係名校生入面考头3名嘅,膏嘅量同鲜味係几突出。
今秋必试5大金牌蟹舖Dining娜
嚟永富除咗买蟹,仲可以拣下日本生果同酒,品质一样有保证。

今秋必试5大金牌蟹舖Dining娜

地址:九龙城侯王道47号舖

电话:2718 2688 / 2718 2689

网址

上海新三阳南货

终于轮到压轴嘅呢间老字号喇,就係喺九龙城接近60年嘅新三阳,佢绝对可以话係全港知名嘅大闸蟹专家。为咗确保品质,佢哋直头喺江苏太湖自己开咗养殖场,用螺蛳、田螺呢类天然饲料餵蟹,听讲会令蟹膏同蟹肉嘅蛋白质量更加高,味道会比较鲜甜。佢最特别係舖头卖好多配蟹一流嘅酒,又有好多传统乾湿货,好似金华火腿、雪菜咁,就算唔係蟹季,我都不时去帮衬㗎。

今秋必试5大金牌蟹舖Dining娜
一到蟹季,放工啊、晚饭嘅时间呢,舖头就非常热闹㗎喇,一班老伙记连饭都唔得闲食,忙住做生意。
今秋必试5大金牌蟹舖Dining娜
食大闸蟹饮花雕类靓酒是常识吧?新三阳靓蟹多,靓酒一样多,呢款雕皇就係我嘅至爱。

今秋必试5大金牌蟹舖Dining娜

地址:九龙城侯王道49-51号舖

电话:2382 3780

网址:newsamyung.com

上一篇: 下一篇:
猜你喜欢
热门排行
精彩图文